Litir geta skapað alveg nýtt andrúmsloft í rýmum og það er gaman að hefjast handa með góðar hugmyndir og svolitla málningu í farteskinu. Það er notalegt og skemmtilegt verkefni að mála og innrétta barnaherbergi, ekki bara fyrir börnin heldur líka fyrir fullorðna fólkið. Þarfir og áhugamál barnanna eru síbreytileg og þetta hefti sýnir nokkur dæmi um glaðleg barnaherbergi sem eru auðveld viðfangsefni. Gamalt borð verður að kappakstursbraut, barnarúm gengur í endurnýjun lífdaga og sýnt er hvernig má nota sniðmát (skapalón) sem allir geta búið til sem kunna að beita skærum. Og eitt er víst, glaðlegir litir kalla fram glaðleg börn. Hér eru nokkrar góðar hugmyndir.