Sterk, teygjanleg og mjög litheldin útveggjamálning. Hefur mikið vatns-og veðrunarþol og myndar yfirborð sem óhreinkast lítt. Koltvísýringur loftsins kemst ekki gegnum yfirborð sem meðhöndlað er með Flügger Facade Beton. þetta hindrar niðurbrotsáhrif koltvísýrings á steypta fleti.

Sérhönnuð, mött útveggjamálning, hrindir óhreinindum frá. Skilar vatnsfráhrindandi, sterku yfirborði sem hefur frábært veðrunarþol. Veitir hámarksvörn gegn vatnsupptöku, t.d. við slagregn, sem hripar af. Jafnframt er flöturinn mjög öndunarvirkur, þannig að vatnsgufa innan frá á greiða leið út.

Alhliða múrgrunnur. Bindur og styrkir flötinn. Smýgur inn og stórminnkar vatnsupptöku. Bætir viðloðun við næsta málningarlag og leiðir til jafnari áferðar. Skilar yfirborði sem er vatnsfráhrindandi en öndunarvirkt þannig að vatnsgufa innanfrá kemst út.

Hefðbundin silikatmálning. Myndar fallegt, almatt en lifandi yfirborð með eigin sérkennum. Silikatmálaðir veggir eru mjög öndunarvirkir, þannig að raki innanfrá á greiða leið út. Bindiefnið kalíum- vatnsgler hvarfast við koldíoxíð loftsins og kalkið í steinyfirborðinu. Þannig myndast mjög traustar kísiltengingar.

Múrgrunnur byggður á silikati. Myndar sérlega öndunarvirkt yfirborð, þannig að raki innanfrá á greiða leið út. Silikatgrunnur er ætandi.