Fljótandi samflot á milli inni– og útirýma

Kröfurnar í nýbyggingum hafa farið í gegnum miklar breytingar síðustu ár. Í dag vilja margir miklalofthæð, stóra glugga og opin rými. Í eldri húsum er mikið um að veggir séu teknir niður til að koma þeim breytingum inn.

Náttúruleg birta er ekki bara næring fyrir sálina heldur hefur hún líka mikil áhrif á upplifun okkar á litunum á veggjunum. Birtan hér er kaldari í undirtónum en það sem við sjáum oft sunnar í Evrópu.

Umhverfið fyrir utan hefur líka mikil áhrif. Sólin skín úti sem skín svo inn á heimili okkar. Þú gætir því viljað hugsa um einmitt það; hvað sérðu úti?

Litir náttúrunnar eru oft tengdir litum sem eru kallaðir norrænir litir og það er góður grunnur að byrja á. Við þekkjum það að njóta náttúrunnar til að hlaða okkur. Það sama þurfum við að geta gert heima fyrir.

Góður upphafspunktur er því að fá í raun að fá litainnblástur frá náttúrunni. Það getur verið í formi laufblaða, skógarbotns, mosa, himins, sjávar eða trjáa. Maður getur líka farið í spennandi veggfóður. Mörg veggfóðursöfn eru byggð á eðli margra plantna og þeirra útliti. Svo er hægt að velja veggliti úr veggfóðrinu sem gefur frábæra heildarupplifun á heimilinu. Litrófið er stórt og möguleikarnir margir.

Það eru ekki bara litir sem þú getur fengið innblástur af í náttúrunni. Eitthvað af fallegustu skrautmununum er líka að finna utandyra. Skreyttu til dæmis með plöntum eða tíndu kvisti, steina og mosa. Þú getur líka búið til þessa náttúru-innblásnu upplifun með því að koma með mismunandi viðartegundir í húsgögnin og skrautmunina., eða leggja flísar í sem eru í náttúrulegum stíl. Hér er það bara hugmyndaflugið sem setur takmörk!