"Ég lít á heimilið mitt sem leikvöll þar sem ég get tekið áhættu og prófað hluti."

Frá uppáhalds staðnum sínum í eldhúsinu getur Nicolai dáðst að skærgrænu tréi sem er rétt að byrja að laufgast. Þessi ferski græni litur veitir gleði og þess vegna hafa Nicolai og Christian valið hann innandyra. Þeir hafa valið litinn "Avocado" til að prýða gluggakarminn sem býr til fallegan ramma fyrir útsýnið.

Áður en Christian flutti inn voru gluggakarmarnir rauðir. Restin af íbúðinni hefur verið tekin í gegn, máluð upp á nýtt, með nýjum litum. Þegar parið byrjaði að búa ákváðu þeir að fara í ”make-over” á nýja heimilinu, til heiðurs nýja sambandinu og vildu þannig marka nýtt líf þeirra saman. Þeir völdu því alveg nýja litapallettu fyrir heimilið og skiptu út nokkrum húsgögnum í íbúðinni - fyrir nýja notaða hluti. Vegna þess að þegar tími er kominn á endurnýjun fara Nicolai og Christian á flóamarkað. Það sem ákveðið er að selja er selt annað hvort í Instagram-verslun Nicolai eða í verslun Christians.

Innrëtttuð með Flügger 80

"Fyrir mig er mikilvægt að hlutirnir sem prýða heimili okkar séu ekki bara fallegir heldur skapi þeir sérstakt andrúmsloft og segi sögu."

Fyrir Nicolai eru þetta áhugaverðar og snjallar mikilvægar breytur í innanhússhönnun hans. Þess vegna eru aðeins sérvaldir hlutir hengdir upp á veggi heimilisins. Það eru engin dýr listaverk, en ekki heldur þúsundir plakata. Í eldhúsinu hangir Stelton bakki sem Nicolai hefur útbúið þannig að hægt sé að hengja hann á vegg. Í svefnherberginu hangir lítið handgert teppi frá 9.áratugnum sem hann fann fyrir slikk á flóamarkaði. Textílverkið í stofunni bjó Nicolai til sjálfur og veggskúlptúrarnir voru unnir af vini hans sem er listamaður. Ólíkur efniviður og form skapa spennandi tjáningu og vekja áhuga, sem Nicolai finnst oft leiða til skemmtilegra samtala þegar gesti ber að garði.

"Grænir og bláir tónar veita okkur frið og eru okkar uppáhalds litir. Þess vegna eru þeir endurtekið þema í innanhússhönnun okkar. Við notum sjaldan hvítt og svart vegna þess að það er of mikil andstæða fyrir okkur."

Það er meðvitað val að engin hvít rými eru til staðar hjá Nicolai. Hann fékk nóg af þeim á uppvaxtarárunum, þar sem hvítur réð ríkjum á æskuheimili hans. Þess vegna eru allir panelar í íbúðinni málaðir í ljósa, hlýja gráa "Rock" litnum sem er innblásin af gráu panelunum sem réðu ríkjum á 6.áratugnum. Loft og veggir eru máluð í litum sem Nicolai kallar ekki-litum, hans eigið hugtak yfir liti sem eru svo dempaðir að auðvelt er að nota þá með öðrum litum, án þess að það verði of leiðinlegt. Fyrir veggina í stofunni hafa þeir valið ljósgræna litinn "Selfoss" sem með gullnu ívafi sínu leikur fallega við mjúka ljósgræna litinn "Viggó" sem er á loftinu. Dempuðu grænu litirnir skapa fallegan bakgrunn fyrir innréttingar heimilisins, þar sem gullbrúnt, djúpblátt og króm eru um allt. Í svefnherberginu er eini dökki liturinn í íbúðinni. Hér er loftið og skreytingin máluð í hlýja "Mokka" litnum sem myndar  jafnvægi við ferska ljósblá litinn "Fine Baja" á veggjunum svo það verði ekki of þungt í upplifun.

Þrjú ráð frá Nicolai

• Notaðu dökkan lit í loftinu til að skapa hlýlegt og notalegt andrúmsloft. Með ljósari lit á veggjum færðu gott jafnvægi og spennandi andstæðu.
• Notaðu mismunandi litbrigði úr sömu litafjölskyldu á bæði veggi og loft til að búa til samhangandi þráð um allt heimilið.
• Endurnýjaðu og frískaðu upp á heimilið með nýjum litum. Það getur skapað allt annað andrúmsloft og á sama tíma, eins og í tilfelli Nicolai og Christian, markað nýtt upphaf.