Hvers vegna ættir þú að nota viðarvörn?

Á sumrin geta útfjólubláir geislar sólarinnar brotið niður litarefnið í viðnum og þetta niðurbrot veldur því að viðurinn virðist gráleitur og viðartrefjarnar losna. Það skapar lélega viðloðun og flögnun ef þú ert nú þegar með einhvers konar viðarvörn á viðnum. Uppbygging viðarins eyðileggst ef þú veitir tréverkinu ekki verndandi meðferð. Að auki stuðlar vetrarúrkoma, raki og kuldi einnig að sliti á tréverkinu þínu. Ef raki kemst í viðinn er hætta á að gróður og sveppir nái að vaxa og dafna. Þetta mun að lokum ná að eyðileggja timbrið.

Allar Flügger viðarvarnarvörur innihalda gróðurvörn sem hamla og berjast gegn myglu og gróðri. Hvort sem það eru garðhúsgögnin, veröndin, grindverkið eða annað úti tréverk sem þú ætlar að mála, þá veitir viðarvörn bestu vörnina fyrir hámarks endingu og fallegt útlit.

Ef þú notar rétt viðarvarnarefni geturðu lengt líftíma tréverksins og gert það ónæmara fyrir vindum og veðrum. Ef þú vilt að tréverkið þitt haldist heilbrigt og fallegt í mörg ár fram í tímann, þá er viðarvörn nauðsynleg!
Viðarvarnarefni er hægt að nota bæði til að vernda og sjá um viðinn, en þú getur líka notað viðarvörur í fagurfræðilegum tilgangi. Til dæmis, ef þú vilt undirstrika uppbyggingu viðarins, breyta litnum eða gera hann dekkri eða ljósari, geturðu notað mismunandi gerðir af viðarvörnum. Hvort sem tréverkið þitt er nýtt, gamalt eða gagnvarið, þarf það viðarvörn og áframhaldandi viðhald.

Öll viðarvarnarefnin okkar eru einnig umhverfismerkt Svaninum. Þegar þú velur vörur með Svansmerkinu getur þú verið viss um að varan sé betri fyrir umhverfið og betri fyrir þig. Svansmerkið setur einnig strangar gæðakröfur um þol og endingu viðarvarnarefna.

Besti tíminn til að vinna með viðarvörn er þegar hitastigið er á milli 10 og 25 gráður. Það ákjósanlegasta er að það hafi verið þurrt í viku áður en þú byrjar með viðarvarnarefni. Ef þú vilt vera alveg örugg(ur) er hægt að kaupa rakamæli. Þegar raki viðarins er mældur er mikilvægt að þú stingir mælinum í timbrið. Rakainnihald viðarins ætti helst ekki að fara yfir 15%. Ef rakinn í tréverkinu er of mikill mun viðarvarnarefnið þitt ekki komast inn í eða ná nægjanlegri viðloðun við tréverkið. Að auki áttu á hættu að festa raka í viðnum og þetta mun síðar mynda svepp, rotna og molna.

Það getur verið sól þegar þú málar tréverkið þitt, þú verður bara að ganga úr skugga um að sólin skíni ekki beint á það sem þú ert að mála þar sem sólin hitar yfirborðið og það getur því haft neikvæð áhrif á viðarvörnina þar sem viðarvörnin hefur tíma til að þorna áður en hún er borin á. Þess vegna mun viðarvarnarefnið þitt enda á penslinum þínum frekar en viðaryfirborðinu. Ef sólin skín beint á viðinn þinn mun hún brjóta niður viðarvörnina áður en hún er alveg þurr og hefur náð að smjúgast inní viðinn. 

Það eru margir þættir sem hafa áhrif á hversu lengi viðarvörnin endist og hversu oft þú þarft að endurtaka verkefnið að viðarverja. Hvar er tréverkið þitt staðsett? Hefur það verið meðhöndlað áður? Er það extra útsett fyrir vindi og veðri? Snýr eitthvað af tréverkinu þínu í suður og verður því meira fyrir sólinni? Þá mun viðurinn þinn líklega þurfa meðhöndlun oftar. Tegund meðferðar á tréverkinu þínu og hversu oft þarf að sjá um það fer eftir mörgum mismunandi þáttum.

Það mikilvægasta, sama hvaða tegund af viði þú vilt meðhöndla, er að muna að þrífa og undirbúa tréverkið þitt áður en þú notar viðarvörn! Þetta tryggir að viðarvarnarefnið loðir betur við og endist lengur. Gakktu úr skugga um að tréverkið þitt sé alveg þurrt. Ef tréverkið þitt hefur áður verið meðhöndlað er einnig mikilvægt að þú slípir, hreinsir og undirbúir viðinn áður en þú notar viðarvörn. Með því að tryggja mikilvæga undirbúningsvinnu á tréverkinu lengir þú endingu viðarvarnarinnar og tryggir að hún endist lengur og þú þarft ekki að mála á hverju einasta ári.

Mundu að ef þú ert ekki viss um hvað sé besta meðhöndlunin fyrir þitt tréverk, eða ef þú þarft einhverjar ráðleggingar, er þér ævinlega velkomið að líta við í næstu Flügger-verslun.

Gangi þér vel!